Íslandsmótið í TT

Í gærkvöldi, 23. júní, fór fram Íslandsmótið í tímatöku inn í Eyjafirði. Ræst var rétt sunnan við Hrafnagilshverfi og hjólað inn fjörðinn að gatnamótum Eyjafjarðarbrautar eystri og vestri.


Þar sigraði Hafdís Sigurðardóttir í A-flokk kvenna og nældi sér í fyrsta íslandsmeistaratitilinn á tímanum: 00:38:40. Silja Rúnarsdóttir var í öðru sæti á tímanum 00:40:05 og Ágústa Edda Björnsdóttir í því þriðja á tímanum 00:40:05. Hrikalega vel gert hjá okkar konum í HFA og við óskum þeim innilega til hamingju með þennan frábæra árangur.


Í A-flokk karla sigraði Ingvar Ómarsson á tímanum 00:35:06, Eyjólfur Guðgeirsson var í öðru sæti á tímanum 00:37:19 og Davíð Jónsson í því þriðja á tímanum 00:37:34, en hann var skráður í U23 og er íslandsmeistari í þeim flokk.


Í U23 í kvenna sigraði Bergdís Eva Sveinsdóttir á tímanum 00:46:13 og Natalía Erla Cassata var í öðru sæti á tímanum 00:48:56.

Í B-flokki karla sigraði Jón Arnar Sigurjónsson á tímanum 00:42:40, Sveinn Otto Sigurðsson var í öðru sæti á tímanum 00:44:00 og Erwin van der Werve frá HFA var þriðji á tímanum 00:45:06. Til hamingju!

Í B-flokki kvenna sigraði Þórdís Rósa Sigurðardóttir á tímanum 00:51:18 og Thelma Rut Káradóttir var í því öðru á tímanum 00:52:34. En þær eru báðar úr HFA og við óskum þeim innilega til hamingju.


Í C-flokki karla var Kristinn Þráinn V. Kristjánsson úr HFA á tímanum 00:52.20.

U15 og U17 fóru styttri vegalengd en þar var snúningspunktur skömmu eftir Grundarkirkju.

Í U15 ára stúlkur hjólaði Hekla Henningsdóttir úr HFR á tímanum 00:32:32.

Í U15 ára drengjum hjólaði Hrafnkell Steinarr Ingvason úr HFR á tímanum 00:29:25.

Í U17 ára drengjum hjólaði Ísak Gunnlaugsson, einnig úr HFR, á tímanum 00:22:28.

Flottur árangur hjá efnilegum hjólurum.


Við óskum Hafdísi og Ingvari innilega til hamingju með íslandsmeistaratitilinn.




Recent Posts

See All

Hjólreiðafélag Akureyrar mun halda Íslandsmót í götuhjólreiðum á Mývatni þann 25. júní. Allar upplýsingar og skráningu má finna hér Við hvetjum alla til að skrá sig, keppnisgjald hækkar á morgun, 13.

HFA ætlar að veita styrki til keppenda sinna fyrir keppnistímabilið 2022. I. Í fyrsta lagi er um að ræða styrk sem sóttur er til ÍSÍ vegna keppnisferða innanlands. Mót sem teljast styrkhæf eru bikarm