Götuhjólaæfingar HFA verða með svipuðu sniði sumarið 2021 líkt og síðustu sumur. Æft verður tvisvar í viku, mánudaga og miðvikudaga kl. 17:30. Fyrsta æfing verður 17. maí og sú síðasta 11. ágúst.

Hjólarar á öllum getustigum eru velkomnir og eru æfingarnar aðlagaðar að getu hvers og eins svo við hvetjum byrjendur jafnt sem lengra komna að skrá sig.

Æfingar eru 60-90 mínútna langar og eru mætingarstaðir mismunandi og tilkynntir í byrjun hverrar viku í sérstökum Facebook hópi, sem þátttakendur fá aðgang að. Einnig setja þjálfarar inn æfingarplan með viðbótaræfingum fyrir hverja viku svo fólk getur tekið sína æfingu þegar því hentar ef það kemst ekki á fyrirfram auglýstum tíma.

 

Aðalþjálfarar eru þau Hafdís Sigurðardóttir, landsliðskona í götuhjólreiðum og Hörður Finnbogason, þrautreyndur hjólreiðamaður. 


Verð fyrir allt sumarið er 26.990, en einnig er hægt að skrá sig í 4 vikur í senn fyrir 13.990 krónur. 


Skráning fer fram á í gegnum félagakerfið Nóra, á slóðinni iba.felog.is

Þar þarf að skrá sig inn með rafrænum skilríkjum. Þar skal ýta á hnappinn "Skráning í boði"

Þá birtist listi yfir öll þau námskeið sem í boði eru. Þar á lista ætti að vera Hjólreiðafélag Akureyrar, Götuhjólaæfingar, Sumar 2021/Sumar 2021 - 4 vikur eins og sjá má á mynd. 

Hægt er að greiða með kreditkorti eða fá sendann greiðsluseðil í heimabanka.

191845841_4507470735952020_3121161813204
Untitled.png