Sumarið er komið og sífellt fleiri eru komnir á fjallahjól. Hjólreiðafélag Akureyrar býður í sumar upp á námskeið fyrir þá sem vilja bæta sig á hjólinu, vinna í tækni, læra betur hvernig á að beita sér á hjólinu, nýta gíra og bremsur, velja línur og margt fleira. Jónas Stefánsson, Jonni, einn besti fjallahjólamaður landsins sér um námskeiðið.

Tvö námskeið eru í boði, 1.-3. júní og 8.-10.júní. Aðeins 10 pláss eru í boði á hverju námskeiði.
 

Hvert námskeið inniheldur þrjú kvöld, tvær klukkustundir í senn. Kennt er í Kjarnaskógi.

// Gróf Dagskrá // 

 

Þriðjudagur 18:30 

• Uppsetning í hjóli 

• Búnaður 

• Líkamstaða / þyngdardreifing 

• Að bremsa 

• Kyrrstaðan

 

Miðvikudagur  18:30 

• Línuval / Að horfa áfram 

• Gíraval / Hvernig á að skipta 

• Upp brekkur 

• Niður brekkur 

• Grófir kaflar 
   

Fimmtudagur 18:30 

• Að lyfta framdekki / manual / prjón 

• Að hoppa / bunny hop 

• Að pumpa / halda hraða 

• Stökkva fram af / drop 

• Stökk 

 

Námskeiðið er miðað við tækni á fulldempuðu fjallahjóli en einnig er velkomið að mæta á “hardtail” fjallahjóli sem er eingöngu með framdempara.
 

Hjálmaskylda er á námskeiðinu og mælt er með bak- og hnéhlífum.

​

Verð fyrir námskeiðið er 15.000.

Skráning fer fram á í gegnum félagakerfið Nóra, á slóðinni iba.felog.is

Þar þarf að skrá sig inn með rafrænum skilríkjum. Þar skal ýta á hnappinn "Skráning í boði"

Þá birtist listi yfir öll þau námskeið sem í boði eru. Þar á lista ætti að vera Hjólreiðafélag Akureyrar, Fjallahjólanámskeið með Jonna, eins og sjá má á mynd. 

Hægt er að greiða með kreditkorti eða fá sendann greiðsluseðil í heimabanka.